Mirari Gotxik lehen postua lortu du Espainiako Txirrindularitza Txapelketako erlojupekoan

Erredakzioa 2024ko uztailaren 4a
Deskargatu Info Ahotsak :

Mirari Gotxi Olartekoetxea -eskuman- bere taldekideekin gaur Asturiasen. / Espainiako Txirrindularitza Federazioa

Euskadiko Federazioko gainontzeko txirrindulariekin batera lortu du garaipena amurrioarrak, emakumezkoen kadete kategorian. 

Gaur arratsaldean hasi da Espainiako Eskolarteko Txirrindularitza Txapelketa, Asturiaseko Aviles hirian. Emakumezkoen kadete erlojupekoa izan da lehen lasterketa, eta Mirari Gotxi Olartekoetxea gailendu da bertan. 

Kirolari amurrioarra lehen postuan geratu da Euskadiko Txirrindularitza Federazioko gainontzeko kideekin. Bera izan da helmugara iristen lehena, 11,5 kilometroko ibilbidea 17 minutu eta 51 segundutan eginda. Oso antzeko markak lortu dituzte gainontzeko hiru taldekideek eta, ondorioz, eurak gailendu dira taldekako sailkapenean. 

Beste lau aiaraldear euren txandaren zain

Gotxi ez da izango Asturiseko topaketan arituko den aiaraldear bakarra. Aimar Trueba Cirion bihar arratsaldean lehiatuko da Infantilen errepideko kategorian. Larraitz Bernaola Lopezek larunbat goizean neurtuko ditu indarrak Infantilen XCO ibilbidean. Bukatzeko, Hodei Muñoz Gabiña igandean saiatuko da Juniorren errepideko norgehiagokan gailentzen.

Kirola

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide