Renfe tren zerbitzuak kentzen ari da jakinarazpenik gabe, 15 -30 minutuko atzerapenak sortuta

Erredakzioa 2024ko uztailaren 23a
Deskargatu Info Ahotsak :

Jendea pilatzen ari da geltokietan. / Aiaraldea.eus

Renfeko C-3 lineak arazoak dauzka gaur ere eta tren zerbitzuak eten ditu egun osoan, 15-30 minutu inguruko atzerapenak metatuz.

Gaur ere Renfe enpresako tren zerbitzua eragozpenak eragiten ari da bidaiaren artean. Geltokietako langileek Aiaraldea Komunikabideari azaldu diotenez, trenen eskaintza eteten ari da, baina ez dakite zergatik.

"Bat-batean mezu bat jasotzen dugu, zeinean esaten diguten hurrengo trena ez dela igaroko", argitu du behargin batek. Berez, bozgorailuen bitartez zabaltzen ari den mezu batek aipatzen du matxura baten ondorioz jazotzen ari dela atzerapena, baina langileek ezin izan dute hori egiaztatu.

Mezu berak adierazten du 15 eta 30 minutu arteko atzerapenak gertatzen ari direla, baina, berez, luzeagoak dira itxaronaldiak.

Jendartea

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide