Gorbeia Bizkaiko dosierra aurkeztu du Gorbeialde LGA-k , eta Euskadiko Bihotz Berdean jardueraz eta abenturaz betetako udaz gozatzeko gonbitea egin du aukera ezberdinak proposatuz: museoak, bisita gidatuak, mendi-ibiliak, zikloturismoa eta abar.
Uda honetarako, barruan eta kanpoan Gorbeia ezagutzeko gonbita zabaldu dute. Barruan, Orozkoko museo etnografikoan eta Dimako Antzasti museoan. Eta kanpoan, eskualde osoko bisita gidatuez gozatuz, gidarekin eta autogidarekin Dimako eta Areatzako udalerrietan.
Bestalde, mendi-ibilbideak eta mendiko edo errepideko bizikletetan, abentura-parkea eta enpresek eskaintzen dituzten hainbat esperientzia ere badaude.
Informazio gehiago eskuratzeko uda osoan egongo dira zabalik Orozkon dagoen Gorbeia eskualdeko turismo bulegoa, Otxandioko turismo informazio gunea eta webgunea.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
