Gobernu Kontseiluak Arabako Foru Aldundiaren Landa Bideen Erregistroan sartutako landa bideak mantentzeko lanak egiteko zerbitzu kontratua adjudikatzea onetsi du, 450.000 euroko guztirako zenbatekoan, BEZa barne.
Hiru sorta esleitu dituzte; lehenengoa Ismael Andrés SA enpresarentzat izan da, eta hainbat jarduketa egingo ditu Arabako Errioxan. Bigarren sorta Guinaldura SLrentzat da, eta Gasteizen eta Arabako Mendialdean egingo ditu lanak. Hirugarrenak, berriz, Aiaran jasotzen ditu ekintzak, eta Obras Públicas Onaindia SA enpresak egingo ditu.
Horrenbestez, Arabako Foru Aldundia arduratuko da toki erakundeen eta udalen titulartasuneko landa bideak mantentzeko eta kontserbatzeko lanez, eta foru erakundeak % 100ean finantzatuko ditu.
Lurraldeko hiru eremuetan
Aurreikusitako jarduerak lurraldeko hiru eremutan egikarituko dira. Lehenengoa, Moreda, Oion eta Iekorako udalek osatzen dute; bigarrena, Gasteizko hegoaldeko eta ekialdeko toki erakundeek eta Arraia-Maeztuk, eta, hirugarrena, Okondoko eta Laudioko udalek eta Aiarako udalerriko tokiko erakundeek.