Uda hasieran jakinarazi zenez, nabarmena izaten ari da mediku faltaren eragina eskualdean. Gaur, iragarri bezala, ez dago medikurik Amurrioko Etengabeko Arreta Gunean eta, Aiaraldea Komunikabideak jakin ahal izan duenez, eskualdeko anbulantzia espezializatuan ere ez.
Aurreikusita zegoenaren kontrara, ordea, medikua dago Laudioko EAGn.
Datozen egunotan ere, medikurik ez
Komunikabide honek uztailaren hasieran argitaratu bezala, egoera hau hainbat egunetan zehar mantenduko da, eta beraz, ordezkorik topatu ezean, EAGtan ez da medikurik egongo egun hauetan:
Abuztua
- Amurrion: 11, 13, 16, 18, 19, 22, 26 eta 27
- Laudion: 11, 12, 13, 15, 16, 17, 18, 20, 21, 26, 28 eta 30
Iraila
- Amurrion: 3, 4, 6, 7, 9, 12, 15, 16, 17, 23, 27 eta 28
- Laudion: 1, 2, 5, 6, 7, 8, 10, 14 eta 26
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
