Renfeko tren zerbitzuan arazoak daude, matxura baten ondorioz

Erredakzioa 2024ko irailaren 12a
Deskargatu Info Ahotsak :

Arrigorriagako unitatean geratu den bidaiarietako bat.

Arrigorriagako geltokitik gertu geldirik dago unitate bat eta horrek eragina du C-3 linea osoan.

Bidaiariek eurek Aiaraldea Komunikabideari azaldu diotenez, tren batek matxura izan du Bilbo eta Urduña arteko bidean. Unitatea geldirik dago Arrigorriagan eta horrek ondorioak izan ditu C-3 linea osoan.

Esaterako, 14:15ean Abandotik atera behar zen zerbitzua bertan behera geratu da, beste erabiltzaile batek azaldu duenez.

Arrigorriagan geldirik dauden bidaiariek aipatu dute hasieran adierazi dietela matxura azkar konponduko zutela, baina jadanik ordu erdi inguru igaro da. Berez, Arrigorriagara eramango dute matxuratutako unitatea.

Jendartea

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide