Aiaraldea Ekintzen Faktoriak jakinarazi du Arte Arnasa sormenerako beken onuradunak Martz, Malen Atxa eta Xabi Basterra, Goizane Rodriguez eta Garazi Egiguren sortzaileak izango direla. Guztira, 4.000 euroko ekarpena egiten die egitasmoei, 1.000 euro bakoitzari, Eusko Jaurlaritzaren babesletzari esker. Urtarrilaren 18an guztien parte hartzearekin jaialdia egingo dute.
Aurtengo erabakia, berriro ere, zaila izan da eta epaimahaian eztabaida mamitsua sortu da, arte proposamen anitzak eta kalitatezkoak heldu baitira deialdira. Eskualdetasunaren ardatza mantentzearren, Goizane Rodriguez alde batetik eta Maialen Atxa eta Xabi Basterra bestetik hautatu dituzte.
Rodriguezek Ermualde.Begirada eta kontzeptu artistiko berriak lan bisuala prestatzen ari da. Eskulturaren bidez, Ermualdeko aztarnategi arkeologikoaren ondarea berrinterpretatu nahi du.
Ver esta publicación en Instagram
Musikari laudioarrak, aldiz, Des(ez)berdin diskoa egiten ari dira. Lau abestiko proiektua da eta horren bidez erakutsi nahi dute, zenbait gai jorratuta, nahiz eta 20 urteko adin tartea egon euren artean, benetan ez direla horren ezberdinak.
Ver esta publicación en Instagram
Zornotzako Martz artista plastikoak ere beka eskuratu du Koloreko pertsona proiektuari esker. Martzek margoketa prozesua landuko du bekarekin, jadanik heren bat garatu du eta laster jarraitzeko aukera izango du.
Bere ikuspegi nagusia arraza-identitatearen, kultura-hegemoniaren eta bestearen pertzepzioaren arteko tentsioak aztertzea da. Proiektua pandemiaren garaian hasi zen sortzen, gogoeta batzuk oinarri hartuta, arraza-diskurtsoek, AEBetako kultura-hegemoniaren eraginez, nola moldatzen duten gure aniztasunaren eta bazterketaren ulermena.
Proiektu honek teknika piktoriko esperimentalak eta material berritzaileak erabiltzen ditu, gorputzaren, kolorearen eta ikusezintasunaren arteko erlazioa aztertzeko. Giza eskala gogora ekartzen duten formatuen bidez, lanak arrazializatutako pertsonen ikusizko irudikapenak agerian jartzea eta kultura-narratiba nagusiak zalantzan jartzea du helburu.
Ver esta publicación en Instagram
Azkenik, Garazi Egigurenek jasoko du beka. Egigurenek, Komorebi produkzioak, kale ikuskizuna antzokirako egokitzapena landuko du bekarekin.
Dolu prozesu batetik sortu du Argilunak proiektua. Galera batek eragindako krisi existentzialaren terapia izaten hasi eta eraikitako bizitza eredua kuestionatzeko adierazpen bidea bilakatu da.
Alabaina, bizipen pertsonal den hau, unibertsalizatzeko ariketa izan nahi du. Bizipen hauek ardazten dituzten sentimentu eta emozioak unibertsalak baitira. Nire minak zuretik du, zureak niretik duen bezala.
Dantza eta ikusentzunezkoak uztartuz, bizitzaren izaera dualak sinbolizatzen dituen tentsio
globalen inguruko diziplinarteko errepresentazioa garatuko da. Bizitzan aurki ditzakegun askotariko mugen buruzko hausnarketa sakona du oinarri: muga fisikoak, sozialak, linguistikoak zein kulturalak. Muturren arteko konplexutasunari gorazarre egin nahi zaio, barneratuta eta sinestuta ditugun mugak zalantzan jarri, lausotu eta mugez haratagoko aukerei lekua emateko.
Ver esta publicación en Instagram