Perretxikoak biltzeko denboraldi nagusiarekin batera, Amurriok eta Urduñak Egun Mikologikoak antolatu dituze aurten ere.
Amurrion pintxo-lehiaketa nagusi
Amurrion, XIX. Pintxo Lehiaketan 8 ostalaritza-establezimenduk hartuko dute parte: Albizabal, Atxubi, El Desván, El Rinconcito, Lasai Taberna, Taberna Fronton, Txoko Gorri eta Ustai. Pintxoak 12:00etatik 14:30era bitartean dastatu ahal izango dira urriaren 19, 20, 26 eta 27an eta azaroaren 2 eta 3an.
Gainera, onddoak eta zizak sailkatzeko ohiko eguna azaroaren 2an izango da, udal pilotalekuan, 18:00etatik aurrera. Alberto Villanueva mikologoa, Arriola Mikologia Elkarteko kolaboratzailea, bi orduz egongo da sailkapena egiten. Eta, azaroaren 3an, hitzaldi mikologikoa izango da 19:00etan, Amurrioko Arriola Mikologia Elkarteak antolatuta katekesi aretoan.
Urduñan pintxoak, azoka eta irteera
Urduñan, azaroaren 1etik aurrera, taberna eta jatetxeek tokiko perretxikoekin prestatutako pintxoak eta platerak eskainiko dituzte. Bestalde, azaroaren 2an, 10:30etatik 14:00etara tokiko ekoizleen azoka bisitatu ahal izango da, eta 12:00etatik 14:00etara pintxo mikologikoak eta txakolina dastatu. Gainera, azaroaren 3an, basoan barrena onddoak eta zizak aurkitzeko irteera mikologikoa egingo dute.