Eskualdeko ia herri guztietan mobilizatuko dira astelehenean Gazako genozidioa eten dezaten

Erredakzioa 2024ko urr. 19a, 07:00
Deskargatu Info Ahotsak :

Palestinaren aldeko mobilizazio ugari egin dira eskualdean azken urtean. / Aiaraldea.eus

Elkarretaratzeak egingo dituzte urriaren 21eko arratsaldean Orozkon, Arrankudiaga-Zollon, Urduñan, Amurrion, Laudion, Artziniegan, Okondon eta Aiaran.

Gernika Palestina plataformak deituta, Euskal Herriko 178 herritan egingo dituzte elkarretaratzeak Gazaren eta herri palestinarraren kontrako genozidioaren amaiera exijitzeko.

Plataformako bozeramaileek adierazi dute Gazaren kontrako eraso bortitza duela urtebete hasi zela eta bidegurutze historikoan dagoela gizadia. Horregatik, su etena aldarrikatu behar dela azpimarratu dute.

Aiaraldeko herri guztietan, salbu Arakaldon, egingo dituzte elkarretaratzeak. Honako hauek izango dira hitzorduak:

  • Urduña: Foru plazan 19:00etan.
  • Arrankudiaga-Zollo: Arrankudiagako plazan 19:00etan.
  • Okondo: Anbulatorioko parkean 19:00etan.
  • Aiara: Arepalditzako ferialean 19:00etan.
  • Amurrio: Juan Urrutia plazan 19:00etan.
  • Orozko: Zubiaur plazan 19:00etan.
  • Laudio: Herriko plazan 19:00etan.
  • Artziniega: Toñin Luengas frontoian 19:30ean.

Gogoratu beharra dago hau ez dela Palestinan gertatzen ari den sarraskiaren kontra deitzen den lehen mobilizazioa. Izan ere, mota ugariko protestak antolatu dituzte eskualdean azken urtean. Azkena Laudion egin zuten duela astebete:

Jendartea

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide