Aiarako Kuadrillak bat egingo du aurten ere Asteklima egistasmoarekin eta kilometro 0-ko bost saski zozkatuko ditu gaurtik ostiralera bitartean klima aldaketaren kontrako ohiturak sustatzeko.
Honako funtzionamendua izango du ekimenak: egunero helburu bana planteatuko dute Instagram bidez, Aiaraldeko herritarrak klima-aldaketaren aurkako borrokan sentsibilizatzeko eta aktibatzeko.
Zehazki, goizeko hamarretatik aurrera, argitalpen bat plazaratuko dute Kuadrillako Instagrameko profilean.
Bertan, zozketan parte hartu ahal izateko jarraitu beharreko urratsak zehatz-mehatz azalduko dituzte. Egun bakoitzean egingo den galderari storyen bidez erantzun, Aiarako Kuadrillako kontua jarraitu, argitalpenari gustuko eman eta norbait aipatu beharko da. Hurrengo egunean, goizeko zortzietatik aurrera, galdera ebatzi eta zozketaren irabazlea erabakiko da.
Horrez gain, Kuadrillak bideoa sortu du eskualdeko udalerri arabarrak eta bertako gizarte-eragileak biltzen dituena, eta klima-aldaketaren eragina gutxitzen laguntzeko ohiturak hartzera gonbidatzen duena.