Aiaraldean ere gizartea mobilizatzen ari da Valentzian gertatutako hondamendiaren biktimak laguntzeko (jadanik 200 hildako baino gehiago daude). Hain zuzen, atzo 14:00etan Amurriotik abiatu zen boluntario talde bat eta gaur Unai Etxebarria trikitilariak ere furgoneta bat kargatu eta hara jo du.
Interesdunek aukera izango dute laguntza bideratzeko, bihar ere elkartasun bidalketa egingo baitute. Alegia, bihar 17:00ak arte tartea egongo da material ekarpena egiteko Laudion. Printzipioz, maskarak, eskularruak, ur edangarria eta erratzak (lokatza kentzeko) dohaintzan emateko deialdia zabaldu dute. Horretarako 608 170 724 (Juan) telefonorekin harremanetan jarri beharra dago.
Biharko egitasmoa Espainiako Estatuko taxisten elkarte batek antolatu du eta laudioar batek eramango du bildutakoa Madrilera. "Aurretik Ukrainara materiala eramateko prestatu ginen", aipatu du gidariak. DGT-k baimena emanez gero, igandeko 04:00ak aldera abiatuko dira taxistak karabana osatuta, Valentzian dena uzteko.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
