Konpostajea bultzatuko du Aiarako Kuadrillak Hondakinak Prebenitzeko Europako Astean

Erredakzioa 2024ko aza. 19a, 11:30

Aiaraldean kokatutako konpostagailuak.

Herritarren interesa pizteko, tokiko produktuez osatutako saskia eta bi konpostagailu ere zozkatuko dituzte. Ekimenaren asmoa da sortzen diren hondakinen kopurua murriztea.

Aiarako Kuadrillako ingurumen-sailak bat egin du aurten ere Hondakinak Prebenitzeko Europako Astearekin. Egitasmoa azaroaren 16tik 24ra bitartean dago indarrean Europako herri eta eskualdeetan sortzen dituzten hondakinen inguruko ohitura arduratsuak sustatzen jarraitzeko helburuarekin.

Aiarako Kuadrillaren kasuan, zenbait ekimen abiatu dituzte hondakinen kopurua murrizteko eta herritarrak xede horretara erakartzeko. Esaterako, atzo jakinarazi zuten Kuadrillako Instagram kontuaren bidez (@aiarakokuadrilla) bertako produktuez osatutako saski bat zozkatuko dutela. Parte hartzeko, Aiarako Kuadrillaren kontua jarraitu eta aste osoan zehar egingo den galdera bakarrari erantzun besterik ez da egin beharko. Azaroaren 22a izango da horretarako azken eguna, ostirala.

Konpostajea

Landuko duten beste esparru bat konpostajea izango da, hondakin organikoak baliatzeko. Eskualdeko hainbat tokitan hitzaldiak eta aurkezpenak deitu dituzte, kartelean ikus daitekeenez:

Gainera, online bidezko trebakuntza eskainiko dute. Saio horietan parte hartzeko cayala.medioambiente@ayto.araba.eus helbide elektronikora idatzi beharra dago eta parte hartzaileen artean bi konpostagailu zozkatuko dituzte.

Ingurumena Araba

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide