Hainbat jatorritako bizilagunak elkartzea du helburu ekimenak.
Bizilagunak 2016an sortutako ekimena da. Zenbait herritan hainbat jatorritako bizilagunak mahai baten inguruan batu, bazkaldu eta elkar ezagutzea du helburu. Igande honetan Arabako hainbat udalerritan egingo da ekimena Hamaika zapore, milaka istorio lelopean eta eskualdean Amurrion eta Artziniegan ospatuko dute. Doako ekintza da eta Zehar errefuxiatuak elkarteak antolatu du.
Amurrion Juan de Urrutia plazan izango da.14:00etan hasiko da bazkaria. Ondoren, 16:30ean Agharas taldeak kontzertua emango du. Artziniegan ere bazkaria 14:00etan izango da, frontoian. Bazkarirako pertsona bakoitzak bere mahai-tresnak eraman behar ditu eta, ahal izanez gero, partekatzeko janariren bat ere.
Bihar arte eman daiteke izena esteka honetan zein 688 800 337 telefonora deituta.
Hainbat edizio
Bizilagunak ekimena urte askotan zehar egin izan da Aiaraldean. Ekimen honi esker, kultura eta jatorri askotako auzokideak elkartu ahal izan dira elkar gehiago ezagutzeko.
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
