Sukalerrian ETB1-eko saioan agertuko da bihar Iaiaiai irrintzi taldea eta Guggenheim Museoan arituko da ostiralean

Aitor Aspuru Saez 2024ko aza. 26a, 19:00

'Sukalerrian' saioaren grabaketa egin dute dagoeneko. / EITB

Eskualdeko irrintzi taldeak bi hitzordu garrantzitsu izango ditu aste honetan. Alde batetik, bihar 13:15ean emititutuko dute Joseba Argiñanorekin grabatutako Sukalerrian saioa. Ostiralean, aldiz, emanaldia eskainiko dute Guggenheim Museoan.

Iaiaiai irrintzi taldeak aste bizia eta berezia abiatu du. Izan ere, bihar Sukalerrian saioko protagonistak izango dira bere bi kide: Nerea Iglesias eta Gurene Grande, hain zuzen. ETB-1 katean emitituko dute programa 13:15ean. Laudioarra eta orozkoarra kamara aurrean mintzatuko dira Joseba Argiñanorekin taldearen helburuari buruz.

Halaber, irrintzia nola lantzen den ere azalduko dute, eta baita nola eta zergatik sortu zen taldea, zenbat diren, irrintziaren erabilera historikoa zein izan den...

Horrez gain, hurrengo emanaldien inguruan ere hitz egingo dute. Izan ere, Guggenheim Museoan zuzenekoa izango dute aiaraldearrek ostiralean bertan.

MEM jaialdia

MEM jaialdiaren eskutik heldu zaie aiaraldearrei Bilboko museoan aritzeko aukera. Musica Ex Machina festibalak soinu esperimentalak jorratzen ditu eta Iaiaiaiko kideek oholtza partekatuko dute Estoniako, Txinako eta Kataluniako diziplina anitzeko sortzaileekin.

Emanaldia 19:00etan hasiko da auditorioan eta 8 euro balio du sarrerak. Hemen eskuratu daiteke.

Kultura

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide