Aiaraldeko hiru jokalari deitu zituzten astelehenean Euskadiko Selekzioaren 12 urtez azpiko taldearekin entrenatzeko

Aitor Aspuru Saez 2024ko azaroaren 28a
Deskargatu Info Ahotsak :

Orozkon izan zen entrenamendua astelehenean. / Euskadiko Futbol Federazioa

Bi futbolari Etorkizuna talde amurrioarrekoak dira eta bestea CD Laudiokoa. Orozkon izan zen entrenamendua.

Euskadiko Futbol Federazioak 12 urtez azpiko selekziorako deialdia egin zuen azaroaren 25ean eta hiru aiaraldear egon ziren Ibaiondon entrenatzen, Orozkon. Federazioak Alain Fraile Luyando, Inar Cuadra Martin eta Robert Damian Popa hautatu zituen.

Alain Fraile Luyando atezaina da eta Etorkizuna taldea amurrioarrean aritzen da. Aipatzekoa da ez zuela bakarrik parte hartu. Izan ere, bere taldekidea den Inar Cuadra Martin aurrelariak ere jaso zuen deia. Orozkoko entrenamendura Robert Damian Popa CD Laudioko jokalaria ere bertaratu zen.

Berez, lurraldeka egiten ari dira denboraldiko lehenengo deialdiak eta entrenamenduak, baina arabarrak talde bizkaitarreko kideekin deitu zituzten.

Kirola

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide