Bilboko Renfe Aldiriakek Whatsapp kanal berri bat ireki du zerbitzuari lotutako albiste guztiak jasotzeko

Oihane Ozaeta Fernandez 2024ko abenduaren 3a
Deskargatu Info Ahotsak :

Trenen ordutegi aldaketen berri emango dute kanalean, besteak beste. / Aiaraldea.eus

Renferen kanal berria WhatsApp aplikazioan aurkitu daiteke eta esteka honetatik harpidetu daiteke.

Bilboko Renfek Whatsapp kanal berria estreinatu du, hiriguneko zerbitzuari lotutako albiste guztiak argitaratzeko: sareko trenen zirkulazioaren egoera, ordutegi aldaketak, garraio plan alternatiboak, etab. "Bidaiariei eskaintzen dien informazioa indartzea" du helburu berrikuntza honek.

Renferen kanal berria WhatsApp aplikazioan aurki daiteke, "Berriak" erlaitzean, eta esteka honetatik harpidetu daiteke. Horretarako, "jarraitu" botoia sakatu behar da, telefono zenbakia edo bestelako datu pertsonalik emateko beharrik gabe.

Informazioa eguneratzen den bakoitzean zirkulu berde batek adieraziko du irakurri gabeko mezuak daudela.

Jendartea

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide