Udako txanden %18,3an ez zen medikurik egon Aiaraldeko Etengabeko Arretako Guneetan

Txabi Alvarado Bañares 2024ko abe. 4a, 15:26

Urtarrilean laudioar bat zendu zen Laudioko Etengabeko Arretako Gunean medikurik ez zegoenean. / Aiaraldea.eus

Amurrion 242 txandetatik 46 geratu ziren bete gabe, eta Laudion 43 guztira. EAEko batezbestekoa ia bikoiztu zen eskualdean.

Aiaraldeko Etengabeko Arretako Guneetako txanden %18,3an ez zen medikurik egon udan. Hori ondorioztatu daiteke Eusko Jaurlaritzak emandako informazioa ikusita. EAEko ekainetik irailera bitarteko datuak eman ditu Osasun Sailak, EH Bilduko legebiltzarkide batek eginiko informazio eskaerari erantzunez.

Erakunde publikoak azaldu duenez, ezin dute zehaztu zehazki zenbat mediku falta izan ziren toki bakoitzean azarotik maiatzera bitartean, baina uda garaiko datuak plazaratu dituzte.

Horien arabera, ekainetik irailera bitartean 484 txanda egon ziren orotara Laudio eta Amurrioko Etengabeko Arretako Guneetan (erdia herri bakoitzean), eta horietako 89tan aritu ziren mediku gabe. Zehazki, Amurrion 242 txandetatik 46 geratu ziren hutsik, eta Laudion 43.

Gauzak hala, EAEko batezbestekoa aise gainditu zen Aiaraldean, ia bikoizteraino. Izan ere, Osasun Sailak zehazten duenez, 7.100 txandetatik 712 geratu ziren bete gabe erkidego osoan, %10a baino apur bat gehiago.

Aiaraldeko ehunekoa zazpi tokitan baino ez zen gainditu: Errenteria-Iztietan (%23,9), Zarautzen (%30,9), Hernanin (%33,8), Basauri-Ariz (%34,2), Donostiako Bengoetxea EAG (%41,3), Amara Berri errefortsu puntua (%86,1), Groseko errefortsu puntua (%91,6).

Hauek dira betetako eta bete gabeko txanden kopurua tokiz toki:

Osasuna

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide