LAN ESKAINTZA

Euskaraldia Aiaraldean dinamizatzeko bi pertsonaren bila dabil Aiaraldeko Euskalgintza Kontseilua

Erredakzioa 2025ko urt. 22a, 07:00

Ganbegi hockey taldeko jokalariak Euskaraldiko aurreko edizioari babesa ematen.

Bi pertsona kontratatzeko lan deialdia abiatu du Aiaraldeko Euskalgintza Kontseiluak, maiatzaren 15etik 25era ospatuko den Euskaraldia eskualdean dinamizatzeko. Izena emateko curriculuma aiaraldekoeuskalgintza@gmail.com helbidera igorri behar da otsailak 7 baino lehen. 

Behin curriculumak jasota, Aiaraldeko Euskalgintza Kontseiluak lan elkarrizketak egingo ditu hautagaiekin eta ebazpena otsailaren 24an jakinaraziko du, langileak martxoan lanean hasteko. Hiru hilabeteko kontratua eskaintzen dute jardunaldi osoan.

Beharginek bete beharko dituzten eginkizunak Euskaraldiaren koordinazio eta antolaketa lanak izango dira, eskualdean bertan. Izan ere, Euskaraldia arrakastaz kudeatu eta eskualdean euskararen
erabilera areagotzeko ekimenak sustatzeko helburuarekin egin dute deialdia.

Lan eskaintzaren ezaugarriak honako hauek dira:

  • Kopurua: 2 pertsona.
  • Lanaldi mota: %100eko lanaldia.
  • Iraupena: 3 hilabete (2025eko martxoak 3-ekainak 3). Otsailaren 28an lanaren zehaztasun bilera egingo dute.
  • Helburua: Euskaraldiaren ekimenak koordinatu eta garatzea Aiaraldean.

Lanaren deskribapena:

  • Euskaraldiaren dinamizazioa eta antolaketa.
  • Eragile ezberdinekin harremanak eta koordinazioa.
  • Komunikazio-kanpainen kudeaketa eta zabalkundea.
  • Jardueren antolaketa eta jarraipena.
  • Partaidetza sustatzeko ekintzak diseinatu eta gauzatzea.
  • Eskatzen duten profila:
    - Euskara ahozko eta idatzizko maila egokia.
    - Euskararen sustapenean edo antzeko ekimenetan esperientzia izatea.
    - Koordinazio eta komunikazio gaitasunak.
    - Taldean lan egiteko gaitasuna.
    - Aiaraldeko eskualdearen ezagutza baloratuko dute.

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide