Donald Trumpen garaipenak modu gordinenean mahairatu du sare sozialak ez direla komunikaziorako tresna neutralak, Elon Musk edota Mark Zuckerbeg dirudunen plataforma korporatiboak (X eta Meta) bere alde izan baititu modu batean edo bestean egungo presidente estatubatuarrak. Gauzak horrela, euskal komunikabideen artean hainbat proiektuk hautua egin dute sare sozialen horien menpekotasuna murrizteko. Horretarako, Mastodon software libre eta irekiko sare sozial ez zentralizatura jo dute, aukera hori eskaintzeko erabiltzaileei.
Tokikom tokiko hedabideen federazioak bere nodo propioa antolatu du Erresuma Batuko BBC irrati-telebista publikoaren ereduari jarraiki eta Aiaraldea Komunikabidea ere batu da egitasmora.
X bezalako plataformek, nolabait, zerbitzari bakar gisa lan egiten dute, edukien lehentasuna kontrolatuta modu anitzetan, algoritmoaren bidez. Mastodonek, ordea, ahalbidetzen du informazio eta harreman nodo propioak sortzea, korporazio handien menpe ez daudenak eta algoritmorik erabiltzen ez dutenak gorrotozko diskurtsoak hauspotzeko edota biderkatzeko.
Horrela, Tokikom tokiko hedabideen federazioak bere nodo propioa antolatu du Erresuma Batuko BBC irrati-telebista publikoaren ereduari jarraiki eta Aiaraldea Komunikabidea ere batu da egitasmora. Helburua da 0 kilometroko informazioa jartzea erabiltzailearen esku, enpresa handien, milioidunen eta eskuin muturreko lobbyen esku-hartzerik gabe.
Aiaraldea Komunikabideko kontua jarraitzeko bide zuzenena da Mastodon erabiltzaile bilakatzea eta hemen sakatzea.