Jose Ignacio Zudaire Petronor konpainiako CEOak prentsa agerraldia egin zuen atzo iragartzeko behin enpresa elektrikoen zerga kenduta Espainiako Kongresuan, Repsolek -Petronorren jabeak- urratsak abiatu dituela hidrogenoa ekoizteko zentrala irekitzeko Bilboko Portuan, 100 MW produzitzeko gaitasuna izango duena.
Azpiegitura 2028ko erdialdean egongo lirateke funtzionamenduan eta Aiaraldeko industria astuna hornitzea da bere helburuetako bat. Zudairek azaldu zuen Tubacex edota Tubos bezalako enpresek aukera urriak dituztela deskarbonizazioan sakontzeko eta garrantzitsuena dela erregai sintetikoen bidea hartzea, hau da, hidrogenoarena.
Horrek ekarriko luke 70 kilometroko hidrodukto bat eraikitzea, erregaia Ezkerraldetik Laudioko eta Amurrioko lantegietara eramateko.
160 milioi euroko dirulaguntza
Zudairek aipatu zuen azpiegitura osoak 260 milioi euroko inbertsioa behar duela eta horietako 160 Europar Batasunak ordainduko dituela, estrategikotzat jo baitu egitasmoa.
Epeak?
Petronorreko CEOak azaldu du 2030ra arte ez dutela espero hidroduktoa Aiaraldera heltzea.