Aiaraldeko Berehalako Ekintza Plana (BEP) onartu zenetik hiru urte igaro direnean, plan osoaren gauzatze maila %50ra heltzen ez dela ohartarazi du EH Bilduk, haiek dituzten datuen arabera.
Hori dela eta, galderak erregistratu dituzte BEPari eragiten dioten lau foru sailetan, hain zuzen ere, Enplegu, Merkataritza, Turismo eta Foru Administrazioko, Garapen Ekonomiko
eta Jasangarritasuneko eta Kirol eta Kulturako foru diputatuei zuzendu dizkiete galderak.
EH Bilduk zabaldutako oharrean azaldu duenez, 29 milioi euro inguru inbertitzea aurreikusten zen plana onartu zenean, baina "kultur arloko proiektuak bakarrik amaitu dira diru partida horien exekuzioa udalerrien esku egon delako". Bestelakoetan, "% 4,7 eta % 57 artekoa" da gauzatze maila eta horrek esan nahi du, BEP osoaren %50 baino gutxiago baino ez dela bete.
Nerea Martinez Cerrillo EH Bilduren Batzar Nagusietako prokuradoreak adierazi du, Ramiro Gonzalezek, Arabako Ahaldun Nagusiak, "foru-erakundeak aurreikusitakoaren % 101 bete egin dela" esan duela, eta horiek argitzeko erregistratu dituzte galderak.
BEParen gauzatze-egoera zein den datozen asteetan argitzea espero duela azaldu du EH Bilduk.