Aste honetan ere, kalitatezko euskal hezkuntza publikoaren aldeko mobilizazioak egingo ditugu, eta idatzi honen bidez, greba honen arrazoiak azaldu nahi dizkizuegu labur-labur:
- Egungo burokrazia-maila handiak ito egiten gaitu, eta denbora baliotsua kentzen digu materiala prestatzeko eta gure ikasleen askotariko beharrei erantzuteko.
- Funtsezkoa da irakasle eta pt gehiago izatea eta gela bakoitzean ikasle gutxiago egotea, horrek aukera ematen baitu zuen seme-alaba bakoitzaren beharrei modu eraginkorragoan erantzuteko.
- Beharrezkoa da hezkuntza arloan langile gehiago izatea. Gure eskoletan psikologoak, gizarte langileak eta erizainak behar ditugu, baita beste erakundekin harremana ohikotasun handiagoarekin izatea ere, ikasle bakoitzaren beharrei modu integralean erantzun ahal izateko. Horrek esan nahi du ez dugula errendimendu akademikoan bakarrik jarri behar arreta, baita alderdi emozionaletan, afektiboetan, sozialetan, familiarretan eta osasunekoetan ere, eta ikasle bakoitzaren behar indibidualetan ere bai.
- Gure lana zorrotza da, eta 60 urtetik aurrera zailagoa bihurtzen da.
- Beharrezkoa da erretirorako baldintzak hobetzea.
- Argi dago grebara ateratzeko gure arrazoiak ez direla ekonomikoak bakarrik, komunikabide batzuek sinestarazi nahi duten bezala.
Gure lan baldintzak hobetu nahi ditugu, zuen seme-alabei uneoro onena eman ahal izateko.