Eusko Jaurlaritzak alerta horia piztuko du bihar 00:00etatik 12:00ak arte. Izan ere, EAEn 100 kilometro orduko hego-ekialdeko haize boladak iragarri dituzte haizeguneetan. Edonola ere, haizeguneak ez diren tokietan ere 60 eta 80 kilometro orduko haizeteak espero dituzte.
Printzipioz, alerta horia ohiko fenomeno meteorologikoentzat da, baina kirola egitea mendian, adibidez, ez da gomendagarria izango. Horrez gain, Eusko Jaurlaritzak hurrengo aholkuak zabaldu ditu arazoak ekiditeko:
- Ate, leiho eta toldoak itxi eta ondo tinkatu.
- Kendu lorontziak eta kalera eror daitezkeen gauza guztiak.
- Aldamio, garabi eta obrako beste elementuak tinkatu.
Kanpoan egonez gero:
- Urrundu erlaitz, murru, zuhaitz edo publizitate-hesietatik, eta kontuz ibili egiten ari diren etxeen edo kolokan dauden eraikinen aurretik igarotzean.
Bidaiatuz gero:
- Saiatu errepidez ez bidaiatzen, bestela, kontu handiz jokatu beti.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
