Aiaraldeko hezkuntza publikoko ikastetxeak duela urte batzuk hasi ziren biltzen hezkuntza, oro har, eta hezkuntza publikoa bereziki, bizitzen ari den erronkei buruz eztabaidatzeko eta estrategia bateratuak jorratzeko. Bi ardatz nagusi izan dituzte: hezkuntza-kalitatearen eta irudiaren etengabeko hobekuntza.
Bide bikoitz hori jarraiki, gai ugariri heldu diete elkarlanean: euskararen eta euskal kulturaren transmisioa, irakurzaletasuna eta irakurketan trebakuntza, teknologia berrien egokitzapena eta erabilera arduratsua, irakaskuntza metodologia berrien egokitzapena eta inplementazioa, bizikidetza positiboaren sustapena...
Lan hori ikusarazteko asmoz, logoa sortu dute hezkuntza zentroek, eta zabaltzeari ekin diote dagoeneko, lankidetza horren ikur bilakatu dadin.
Hain zuzen, eskualdeko ikastetxe publikoen asmoa izan da hezkuntza publikoa islatzen duen irudi bakarra eratzea, tangram jolas hezitzailean inspiratuta.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
