ZOZKETA

Errigorako udaberriko kanpaina sustatzeko bi saski zozkatuko ditu Aiaraldea Komunikabideak

Erredakzioa 2025ko mar. 20a, 12:30

Martxoaren 10ean hasi zen Beste modura denona da onura kanpaina eta martxoaren 26an amaituko da. Nafarroa hegoalde eta erdialdeko baratzeko produktuak eskuratzeko deia ireki du Errigorak eta hori sustatzeko bi saski zozkatuko ditu Aiaraldea Komunikabideak martxoaren 25ean, hemen.

Errigora ekimenak udaberriko kanpaina abiatu zuen martxoaren 10ean eta 26an agortuko da eskaerak egiteko epea. Beste modura denona da onura da ekimenaren izena eta Nafarroako hegoalde eta erdialdeko baratze produktuak jartzen ditu herritarren eskura.

Modu horretan, Errigorak tokiko kontsumoa eta ekoizpena sustatzen ditu eta herritarrek euren biltegiak bete ditzakete urte osorako oliba-olio birjina estra, ardo, arroz, pasta, lekale eta kontserba-sortekin, ekoizlearen jatorrizko prezioan eta euskaraz etiketatuta. 

Hori egingarria da Errigorak auzolan erraldoia egiten duelako 200 boluntario baino gehiagorekin. 

Ahalegin horrekin, elikagaiak hemen ekoiztuak izateaz gain, herriaren eskuetan jartzen dute ziklo guztiaren gaineko erabakimena ere (ekoizpena, banaketa eta kontsumoa, alegia).

Eskaerak egiteko webgune honetan sartu beharra dago eta Aiaraldean produktuak jasotzeko aukera anitza dago: Faktorian, Aresketa Ikastolan, Laudio Instituan, Eska Tailerrean, Laudio Ikastolan, Amurrioko Euskaltegian, Mugalde Kultur Elkartean, Orozkoko Errigoran eta Laudioko AEKn.

Bi saskien zozketa

Eskualdeko herritarrak Errigorako auzolanean parte hartzen anima daitezen, Aiaraldea Komunikabideak produktu nafarrez jositako bi saski zozkatuko ditu martxoaren 25ean, hemen.

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide

Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!