Jugatx Gomez Guinea aiaraldearrak (Laudiokotzat zein Amurriokotzat jotzen du bere burua) irabazi du Arabako Foru Aldundiko San Prudentzio eta Estibalizko Andra Mari kartel lehiaketa. Gazteen kategorian hautatu du epaimaihaiak bere lana eta 350 euroko saria jaso du.
Gomez diseinu eta ilustrazio ikasketak egiten ari da eta lehen aldia da lehiaketa batean parte hartu duela. Horregatik, hain zuzen, oso pozik dago emaitzarekin. Aipatu beharra dago aiaraldearra bestelako esparrutan ere aritzen dela, modeloa eta dantzaria baita.
Kartelaren edukia
Kartelak jasotzen dituen ideiei dagokienez, sortzaileak azaldu du bi elementu nagusi daudela. Alde batetik, bi dantzariak eta erabiltzen dituzten arropak. "Neskak jantzi urdina dauka eta mutilak, aldiz, soineko arrosa. Orain gizartean badirudi gainditzen ari garela mutilen kolorea urdina dela eta neskena arrosa, baina oso barneratuta dago, eta hori jaso nahi izan dut".
Dantzariak, gainera, modu dinamikoan eta irribartsu islatu ditu diseinatzaileak, bat egiteko lehiaketaren lemarekin: Erritmoa ez da eteten. "Jaiak hasten direnean dantzak eta gozamenak ez dute etenik", azaldu du Gomezek.
Horrez gain, kartelari kolore berdea erantsi dio atzean, "Gasteiz Green Capital delako".