Udalerri ezberdinetakoak izanda ere, bata bestearen ondoan dauden bi herri dira Saratxo eta Lendoñobeiti. Geografiak eta eskualdeko komunikazio-bide nagusiek, baina, bata bestearengandik banatuta mantentzen ditu egunerokoan.
Lendoñobeiti eta Saratxoko herritarrek harreman estuak mantentzen dituzte, ordea. Garai batean garrantzia handiagoa izan zuen Karduras basabideak lotuta eusten ditu Amurrio eta Urduñako bi herrixkak oraindik ere.
Senidetza martxa eta bazkaria
Senidetza hori ospatzeko, urteroko hitzorduari eutsi eta mendi-martxa eta herri-bazkaria egin zituzten bi herrietako auzokideek iragan martxoaren 22an.
Eguraldi euritsuak ez zituen bertaratutakoen animoak apaldu. Goizean goiz, Saratxo abiapuntu hartuta,. bi herriak banatzen dituen Atxondo mendira igo ziren alde bateko zein besteko auzokideak. Bazkalorduan, aldiz, hogeita hamar lagun baino gehiago elkartu ziren Lendoñobeitiko Sagartza txokoan, Aiaraldeko herri txikiak bizi-bizirik daudela aldarrikatzeko.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
