Untzuetako gazteluaren iragana Euskal Estatu independentea aldarrikatzeko tresna bilakatu dute

Erredakzioa 2025eko ekainaren 3a

Urtero bezala, Untzuetako gazteluaren izaera nafarra aldarrikatu zuten larunbatean eta aurten, gainera, Jon Idigoras HBko buru historikoa ere oroitu dute.

Arrankudiaga-Zollotik abiatu eta Untzuetako gazteluko aztarnetara jo zuten hainbat herritarrek larunbatean, urtero bezala. Hasierako asmoa eraikuntzaren iragan nafarra aldarrikatzea izan zen. "Duela bost mende Nafar Estatua suntsitu zuten, baina geroztik borrokaren katea ez da eten", aipatu zuen Txutxi Ariznabarreta alkateak, zeinak hitza hartu zuen tontorrean.

Ariznabarretak, gainera, gogora ekarri zuen 20 urte bete berri direla Jon Idigoras HBko kide historikoa hil zenetik: "Hainbat mendeko haria lotu zuen Jonek eta oraindik ere belaunaldi gazteak batzen dira borrokara, Euskal Errepublika independentea eratu arte. Batailak galdu ditugu, baina gerra guk irabaziko dugu".

Argazkiak: Txomin Egiluz

Jendartea

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide