Laudio eta Amurrio artean, Urduñako mendatean eta lau administrazio batzarretan berrituko dituzte errepideak

Aitor Aspuru Saez 2025eko ekainaren 9a
Deskargatu Info Ahotsak :

A-625 errepideak Laudio eta Amurrio lotzen ditu. / Aiaraldea.eus

Arabako Foru Aldundiak gaur aurkeztu du 2025eko Bide Zoruen Plana eta Aiaraldean zenbait esku-hartze aurreikusi dituzte.

Arabako Foru Aldundiak gaur aurkeztu du 2025eko Bide Zoruen Plan berria. 4,1 milioi euroko aurrekontua dauka eta Aiaraldeko zenbait gunetan eragingo du.

Izan ere, Jon Nogales Mugikortasun Jasangarriaren eta Bide Azpiegituren Saileko foru diputatuak iragarri du A-625 errepidean zuloak, pitzadurak eta deformazioak dituzten gune jakin batzuk konponduko dituztela, fresatuta eta errodadura geruza birjarrita. Amurrio eta Laudio artean izango dira lan horiek.

Bestalde, errodadura geruza berritu eta jarduketa jakin batzuk ere egingo dituzte Urduñako mendatean.

Delika, Murgia, Zuhatza eta Menoioko Administrazio Batzarretan, aldiz, herrien sarreretan eragingo dute: "kasu batzuetan hartxintxarrez ureztatuz eta beste batzuetan fresatuz eta bide tarte osoetako eta gune jakin batzuetako zorua birjarriz".

Jendartea

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide