Elkarretaratzeak egin zituzten iragan ostegunean EAEko Ikastoletan, Hezkuntza Sailari "hitzartutakoa betetzea" eskatzeko. Dozenaka lagun batu ziren protestara Laudio eta Aresketa Ikastoletan.
LABek azaldu duenez, 2023ko ekainaren 1ean sinatu zuten lan akordioa Eusko Jaurlaritzarekin. Dokumentu horren arabera, ikastoletako langile guztien soldatak parekatuko dira 2027rako. Edonola ere, sindikatu abertzalearen ustez, gobernuari ez zaio horretarako borondaterik ikusten.
Bestetik, akordioak ere barnebiltzen zuen ikastoletako beharginen lan baldintzak sare publikoko langileek dituztenekin homologatzeko azterketa egitea, bi urteko epean. Tarte hori iraungi dela salatu du langile erakundeak, "eta Hezkuntza Saila ez da hasi inongo plangintzarik egiten azterketa aurrera eramateko".
LABen aburuz, "ez da onargarria Hezkuntza Sailak horrelako jarrera izatea ikastoletako langileekiko", eta horregatik erabaki du mobilizazioak deitzea.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
