Renfek 20 euroren truke eskainiko du hileko abonua, doakoa uztailean desagertuko baita

Aitor Aspuru Saez 2025eko ekainaren 22a
Deskargatu Info Ahotsak :

Doako abonua desagertuko da uztailean./ Renfe

Gazteek 10 euroko abonua izango dute eskuragarri eta umeek doakoa.

Aldiriak zerbitzuko doako abonuak desagertuta, Renfek txartel berriak eskainiko ditu bihartik aurrera. Adinaren arabera prezioa ezberdina izango da eta umeek doan garraiatzeko aukera izango dute.

Zehazki, helduek 20 euro ordaindu beharko dituzte bidaia anitzeko abonua eskuratzeko. 

Aldiz, gazteek, hau da, 1999tik 2010era bitartean jaiotakoek, 10 euroren truke eros dezakete abonua.

Azkenik, umeek (2010etik 2025era jaiotakoek) trena doan erabiltzeko aukera izango dute.

Duela ia hiru urte sartu zen indarrean doako abonua eta uztailean agortuko da erabiltzeko epea.

Ekonomia

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide