Larragorri, Mendi eta Ferosca zentral eolikoek baimendutako zarata kopurua gaindituko dutela salatu dute

Aitor Aspuru Saez 2025eko ekainaren 24a
Deskargatu Info Ahotsak :

Plataformak antolatutako mobilizazioetako bat.

Aiaraldeko Mendiak Bizirik plataformak kalkulu ikerketa gauzatu du eta ondorioztatu du osasunak eta legeak ezarritako mugak gaindituko dituztela azpiegiturek. 

Aiaraldeko Mendiak Bizirik plataformak oharra zabaldu du jakinarazteko ikerketa burutu duela Ferosca, Mendi eta Larragorriko zentral eolikoek sortuko duten zarata kopurua ezagutzeko. Besteak beste, Untzuetako eguraldi estazioko datuak baliatu dituzte.

Taldearen lanen arabera, 68 eta 72 dB(A) sortuko dituzte zentralek eta, ondorioz, legeak eta osasunak ezarritako mugak gaindituko dituzte.

Plataformak erantsi du zarata "pultsantea eta beheranzkoa" dela eta, ondorioz, herritarren atsedena zailduko duela, gauez bereziki. 

Aiaraldeko Mendiak Bizirikek salatu du proiektu hauek onartzeko orduan ez direla benetako ondorioak ikertzen ari.

Hori dela eta, egitasmoak bertan behera uztea exijitu du plataformak, baita ikerketa independenteak egikaritzea ere.

Osasuna

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide