Aiaraldeko herri batetik bestera egin du salto asto-zirku ibilaldiaren seigarren edizioak. Hiru etapako ibilbidea egin zuten, hiru egunetan. Ostiralean atera ziren Amurrioko parketik, Etxaurrenera iristeko. Larunbatean Añesetik Artziniegara egin zuten txangoa, eta Artziniegatik Zuhatzara igandean. Antolatzaileek nabarmendu dutenez, "astoen erritmora" egin zuten martxa, "ez astoen gainean".
Ibilaldia egiteaz gain, zirku sozial emanaldia ere eskaini zuten Artziniegako igerilekuetan. Okondon ere taularatuko zuten, baina bertako saioa atzeratu egin behar izan zuten azkenean.
Gasteizko Azirkarte eta Ikiriki elkarteak daude ekimenaren atzean, eta aniztasun funtzionala duten pertsonak gizarteratzen laguntzea dute helburu. Hain zuzen, Azirkarte elkarteak zirku soziala jorratzen du. Ikirikik, aldiz, zaldi eta astoekin jarduten du “pertsonen egoera hobetzen laguntzeko”.
Argazkiak: Azirkarte elkartea eta Artziniegako Udala
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
