377.000 euro banatu ditu Arabako Foru Aldundiak lurralde historikoko tokiko erakundeen artean, "turismo baliabideak modernizatzeko". Hogei proiektu finantzatu dituzte guztira, eskualdeko hiru tartean.
Alde batetik, Aiaraldeko Kuadrillari eman diote dirua, iaz abiatutako proiektu bat amaitzeko: panel informatiboak, seinalizazioa eta interpretazio elementuak jartzea eskualdeko bost ibilbidetan barrena. Amurrioko Udalak ere jaso du finantziazioa, eta turismo-panel berriak diseinatu eta jartzeko baliatuko du.
Artziniegakoak, aldiz, bi egitasmo garatuko ditu jasotako laguntzarekin. Alde batetik, 'coworking' gunea atonduko du Kultur etxe berrian. 6-8 postu inguru izango ditu espazio horrek, eta nomada digitalak erakartzea izango du helburu, Foru Aldundiaren BuleGO! egitasmoaren barruan.
Horrez gain, errealitate areagotuko aplikazio bat ere garatu nahi du Udalak, udalerriari buruzko informazioarekin eta 360 graduko argazki zein bideoekin.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
