Eusko Ikaskuntzak sustatu du lana eta EITBren egoitzan eskainiko dute urriaren 25ean 19:00etan. Dantzariekin batera musika elektronikoa, rapa, bertsolaritza edota txalaparta uztartuko dituzte.
Aiaraldea Komunikabideak asteazkenean (urriaren 22an) zozkatuko du EzBerdin Berdinak ikuskizunerako sarrera bikoitza. Kukai dantza taldea dago, neurri handi batean, lanaren atzean, baina musika elektronikoa, rapa edota txalapartaren soinuak ere txertatu dituzte. Bertsolaritzak eta antzekiak ere tartea izango dute gainera.
Berez, obra efimeroa izango da eta zazpi saio egongo dira soilik: Bilbon, Gasteizen, Iruñean, Donibane Garazin eta Donostian. Komunikabideak zozkatuko dituen sarrerak EITBren egoitzan baliatu ahalko dira urriaren 25ean, 19:00etan.
Ekoizpen handia da EzBerdinak Berdin, zentzu guztietan. Parte hartzaile ugari daude eta 110 minutuko iraupena dauka obrak.
Eusko Ikaskuntzak sustatu du ikuskizuna, eta bere XIX. kongresuaren ondorioz irekitako gogoetaren emaitza da. Kongresuak euskal gizartearen erronkak, aniztasuna eta etorkizuneko ikuspegiak jorratu zituen, eta gogoeta horiek hizkuntza eszenikora eramango ditu piezak.
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
