Gaur abiatu du Errigorak aurtengo Euskarari Puzka! kanpaina, eta udazkenero bezala, Nafarroako erdialdeko eta hegoaldeko produktuz osatutako hiru saski mota jarri dituzte salgai. Aiaraldea Komunikabideak horietako bi zozkatuko ditu azaroaren 7an, hemen.
Saski berdea eta gorria izango dira zozketan parte hartuz gero irabazi daitezkeenak; 65 eta 75 eurotan baloratuta daude, hurrenez hurren.
Produktu ekologikoz erabat osatuta egoteagatik nabarmentzen da, hain zuzen, kutxa berdea. Bertan honako elikagai zein edari hauek daude: piperrak, olioa, zainzuriak, orburuak, txitxiroak, pasta, tomatea, teilak, txokopipitak, sagar zukua, ozpina eta ardo beltz-erdi ondua.
Saski gorria, aldiz, produktu hauek osatzen dute: olioa, piperrak, zainzuriak, ardi-gazta, turroia, mantekadak, polboroiak, txokolatezko molineritoak, ardo beltza (18 hilabete barrikan), ardo zuria eta patxarana.
Aiaraldea Komunikabideak zozkatuko dituen bi saski mota horiez gain, saski beltza ere jarri dute salgai, 60 euroko prezioan. Olioa, piperrak, zainzuriak, orburuak, kardua, potxak, borraja, ilarrak, teilak, patxaran mantekatuak mahats zukua eta ardo beltza daude kutxa honetan.
Ezinbestekoak euskararentzat Agerrean da aurtengo kanpainaren leloa, eta aurten ere irabazien % 25 Agerreko zonaldean euskalgintza babestera bideratuko dituzte. Ohi bezala, Faktoria kutxen banaketa gunea izango da .