Aiaraldeko bideo-kopla lehiaketak baditu irabazleak. Atzo itxi zen bozketa fasea, eta boto kopurua eta beste irizpide batzuk aintzat hartuta ebatzi du epaimahaiak zeintzuk izango diren irabazleak. Garaile bana hautatu dute udalerriko:
- Laudio: La Milagrosa 6B
- Amurrio: Mendiko Eskola 5B
- Artziniega: Arteko Gure Ama 6
- Aiara: Etxaurren Gorriak taldea
- Orozko: Orozkoko xelebrekeriak
- Urduña: Antzinako Andra Mari 5
Horrez gain, Latiorro 5D 2 taldeak Araba mailako lehiaketan (Arabako Aleak antolatutakoa) jasoko du saria.
Sari banaketa ekitaldia, ostegunean
Ostegunean (abenduak 4) izango da sari banaketa ekitaldia, 18:30ean Amurrio Antzokian. Sariak ematez gain, bertso saio musikatua eskainiko dute bertan, Ekaitz Samaniego, Unai Anda, Oihane Perea eta Arkaitz Zipitria bertsolariekin eta Ainhoa Aizpurua eta Aintzira Gorosabel musikariekin. Unai Mendibil arituko da gai jartzaile lanetan. Hemen eskuratu daitezke sarrerak.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
