Larrialdi linguistikoari aurre egin eta euskararen aldeko "pizkunde berria" hauspotzeko asmoz ekitaldi naizonala deitu du Euskalgintza KOntseiluak datorren abenduaren 27rako. Bilboko Bilbo Arena aretoan egingo dute ekitaldia, eta "euskararen berreskuratze prozesuan mugarria" izango dela aurreratu dute.
Ekitaldian, dozenaka euskal sortzailek parte hartuko dute; hala nola, Gorka Urbizuk, itziar Ituñok edota Miren Gaztañagak, beste askoren artean. Euskaltzaleen "indar eta batasun erakustaldia" nahi du izan egitasmoak, eta "hizkuntza politiketan ezinbestekoa eta premiazkoa den jauzi sendoa" bultzatzea izango du helburu. Mezua argia izango da Bilbotik zabalduko dena: "Euskara guztion ardura da".
Internet bidez eskuratu daitezke ekimenean parte hartzeko sarrerak, pizkudnea.eus atarian.
Aiaraldea Kooperatiba Elkartea pizkundearekin bat
Aiaraldea Kooperatiba Elkarteak bat egin du Euskalgintza Kontseiluak egindako deialdiarekin, eta ekitaldi nazionalera bertaratzeko deia luzatu die bazkide eta bidelagun guztiei. Gainera, Aiaraldea Komunikabideak ekitaldian parte-hartzeko sarrera bikoitza zozkatuko du. Zozketan parte hartzeko esteka honetan eman beharko da izena, abenduaren 24a baino lehen.