Aiaraldean egitasmoa abiatu dute 4x4 trakzioko ibilgailuak dituzten lagunak biltzeko eta erreskate eta laguntza lanak egiteko elkarrekin. Ekimenaren sustatzaileek aipatu dute horrelako talde gehiago daudela Euskal Herrian eta lehenengo aldiz Katalunian ezagutu zituztela. "Erreferentziazko estatutuak existitzen dira elkartea sortzeko orduan", aipatu dute.
Printzipioz, taldearen helburua da ibilgailuak bestelako erakundeen zerbitzura jartzea, Babes Zibila kasu, eta mendi zidorretan edota irisgarritasun konplexuko egoeretan laguntzea erreskatean edo bestelako eginkizunetan.
Gauzak horrela, deia zabaldu dute baldintzak betetzen dituztenek eta interesa dutenek 693 632 110 telefono zenbakiarekin harremanetan jartzeko eta ekimenera batzeko.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
