Kalean da Aztarna aldizkariaren 65. zenbakia

Erredakzioa 2026ko urtarrilaren 13a
Deskargatu Info Ahotsak :

Aztarna aldizkariaren 65. zenbakiaren azala.

Laudioko, Orozkoko, Urduñako eta Amurrioko kultura eta historiari lotutako hainbat gai jorratzen ditu aldizkariak.

Aztarna elkarteak bere aldizkariaren 65. zenbakia argitaratu du. Azken ale honek eskualdeko memoria historikoa, bizimodu tradizionalak eta ondare kulturala ardatz dituen eduki sorta zabala biltzen du beste behin.

Ardi-aziendaren ustiapen estentsiboaren gainbeheran jarri dute arreta Aztarna elkarteko kideek eta gaiari buruzko erreportajea ondu dute. Halaber, beste hainbat artikuluk osatzen dute aldizkaria, hala nola Orozkoko Epalza eskribau-sendia aztertzen duena, Maria de Ibarra "Laudioko sorginari" buruzkoa edota Urduñako Jesusen Lagundiaren Ikastetxean (gaur egungo Antzinako Andra Maria) sakontzen duena. 

Horretaz gain, Amurrioko Zaraobe Institutuko behategi meteorologikoari ere eskaini diote lekua, bere 70. urteurrena dela baliatuz. 

Ohiko salmenta puntuetan eskuratu daiteke aldizkaria, 3 euroren truke.

Kultura

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide