Urtero bezala, Tindufeko kanpamentuetara bidaltzeko elikagaien bilketara deitu du Amurrioko Saharar Elkarteak eskualdean. Azukrea, arroza, lekaleak, pasta, konpresak eta atun zein sardina latak bildu nahi dituzte nagusiki, eta eskualdeko hainbat puntutan egin ahalko dira ekarpenak, egun eta ordutegi zehatzetan.
Hain zuzen ere, Laudioko eta Amurrioko Eroski supermerkatuetan hilaren 30a eta 31 izango dira bilketa egunak. Artziniegako Unide eta Dary dendetan, ordea, urtarrilaren 26tik otsailaren 3a bitarte eman ahalko dira jakiak.
Laudio Ikastola ere izango da bilketarako puntua eta bertan, elikagaiez gain, helduentzako pixoihalak ere bilduko dituzte. Urtarrilaren 20tik otsailaren 5era egingo da bilketa ikastetxeko idazkaritzan, 8:00-16:00 bitarteko ordutegian.
Kontu korronte zenbaki bat ere zabaldu du Saharar Elkarteak: ES79-3035-0089-16-0891041001 (Laboral Kutxa, Asoc, Amigxs de la RASD Amurrio). Modu horretan, elkarteak berak erosiko lituzke elikagaiak herritarren ekarpen ekonomikoekin.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
