Ikusgai daude jada Gelatik at! podcastaren saio guztiak. Laudio Ikastolako, Amaurre Eskolako eta Aresketa Ikastolako ikasleek parte hartu dute egitasmoan, talde bakoitzak podcastaren atal bana ekoiztuta. Hainbat gonbidatu izan dituzte mikrofono aurrean.
Kakoriko Elkarteak burutu du egitasmoa Aiaraldea Komunikabidearekin elkarlanean, Multimedia Eskolen barruan. Arabako Foru Aldundiaren babesarekin garatu da ekimena.
Gelatik at! 01: Urko Ibarrolari elkarrizketa (Amaurre Ikastetxea)
Amaurre Ikastetxeko ikasleek Urko Ibarrola abeltzaina elkarrizketatu dute bere ogibidearen inguruan gehiago jakiteko.
Gelatik at! 02: Saharara elkartasun bidaia, Amets Meazari elkarrizketa (Laudio Ikastola)
Laudio Ikastolako kideek Amets Meaza elkarrizketatu dute Gelatik at! podcastaren atal honetan, ikastolatik Saharara burutzen diren elkartasun bidaien nondik norakoen berri izateko.
Gelatik at! 03: Sahara elkartasun bidaia, ikasleen hitzetan (Laudio Ikastola)
Laudio Ikastolatik urteak daramate Saharara elkartasun bidaia antolatzen. Bidaiaren nondik norakoak kontatu dituzte bertan parte hartu duten Batxilergo 2. mailako ikasleek.
Gelatik at! 04: Amurrioko Araba Euskaraz hizpide
2026an Amurrion ospatuko da Araba Euskaraz jaia. Hori dela eta, Aresketa Ikastolako kideek eskolako zuzendaria elkarrizketatu dute, ospakizunaren xehetasun gehiago jakiteko.
Gelatik at! 05: Eramus+ programari buruz solasean (Laudio Institutua)
Eramus+ programaren nondik norakoEramus+ programaren nondik norakoak ezagutzeko, Udiarraga Abrisketa arduraduna elkarrizketatu dute ikasleek. ak ezagutzeko, Udiarraga Abrisketa arduraduna elkarrizketatu dute ikasleek.