32.207,08 euroko kalte ordaina jasoko du aiaraldear batek Amiantoaren Konpentsazio Funtsaren bitartez

Aitor Aspuru Saez 2026ko otsailaren 1a
Deskargatu Info Ahotsak :

Amiantoaren eragina salatzeko egindako mobilizazio baten irudia. / Aiaraldea.eus

Bere lan jardueragatik asbestosia garatu zuen langileak jasoko du funtsak ezarritako kalte ordaina.

Irailean indarrean jarritako Amiantoaren Konpentsazio Funtsak bere lehen fruitua utzi du eskualdean. Izan ere, Jagoba Luengas abokatuak jakinarazi dio Aiaraldea Komunikabideari tokiko langile ohi batek 32.207,08 euroko kalte ordaina jasoko duela. Bere ustez, inguruko lehen kasua da honako hau.

Gizarte Segurantzak urtarrilaren 15ean onartu zuen ordainketa bakarra egingo ziola, beharginak azaroan eskaera aurkeztu eta gero.

Gizarte Segurantzako Institutu Nazionalak adierazi dio langileari funtsaren oinarrietan jasotakoa ordainduko diola.

Hain zuzen, ekainean Ministroen Kontseiluak onartutako dekretu errealak hainbat kalte ordain zehaztu zituen garatutako lan gaixotasunaren arabera.

Aiaraldearraren kasuan asbestosia da bere gaitz profesionala, baina laringeko minbizirako 48.310,62 euro dira, birikien minbizirako 64.414,16 euro eta mesoteliomaren kasuan 96.621,24 euro jaso behar ditu amiantoaren biktimak. 

Aipatu beharra dago Aiaraldeko industrian oso material erabilia zela amiantoa, bereziki siderurgiako labeetan eta hainbat lagun kaltetu zituela horrek, bai beharginak eta baita euren senideak ere. 

Ekonomia

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide