Inprentatik atera berri da Aiaraldea Hemen hamabostekariaren zenbaki berria. Tubos Reunidoseko zuzendaritzak iragarritako 301 kaleratzeei arreta berezia eskaini diegu zenbaki berri honetan. Zuzendaritzak albistea iragarri zuen uneko kronika, eta azken bi hamarkadetako multinazionalaren ibilbidea sakonean aztertu ditugu.
Halaber, Amurrioko konpainia tubularraren mugetatik harago, eskualdeko enpleguaren suntsiketaren eboluzioa aztertzeari ere eskaini diogu tartea. 2021-2026 epealdian 500 baino gehiago dira eskualdean suntsitutako lanpostuak.
Gai gehiago
Sozioekonomia ez ezik, askotariko gaiak aurkituko ditu irakurleak agerkariko 32 orrietan, kirol egokituari buruzko erreportajea, esaterako. Olaia Gurrutxaga, Uxue Abasolo eta Maialen Solaun gazteekin elkartu gara, kirolean topatu duten babeslekuari buruz luze eta zabal mintzatzeko.
Hauek eta beste hainbeste gai interesgarri aurkituko ditu irakurleak Aiaraldea Hemen hamabostekariko orrietan. Datozen egunetan banatuko da argitalpena eskualdeko saltoki, taberna, ikastetxe, kulturgune, liburutegi eta kaleetan, doan.