Atzo goizeko 11:00etan bilera egin zuten Tubacex enpresako sindikatuek Amurrion. Batzarraren ardatza lan hitzarmen kolektiboa izan zen. Berez, duela urtebete baino gehiago hasi ziren zuzendaritzarekin negoziatzen eta ez dute akordiorik lortu.
Itun garrantzitsu horren sinaketa atzeratzen ari dela ikusita, STAT eta LAB erakundeek hitzordua prestatu zuten atzo, konpainiaren eta beharginen ordezkarien arteko elkarrizketak nolakoak izan diren azaltzeko. ELAk eta CCOOk ere parte hartu zuten.
Sindikatu bakoitzak bere aldarrikapenak aipatu zituen eta ezberdintasunak agerian geratu baziren ere, bileraren antolatzaileen ustez, emaitza positiboa izan zen, behargin ugari bertaratu baitziren eta elkarlana bilatzeko proposamenarekin amaitu baitzen.
Izan ere, desadostasunak desadostasun, badaude antolakunde guztiek partekatzen dituzten marra gorriak. Esaterako, enpresak lan orduak handitu nahi ditu eta sindikatu guztiak daude neurri horren kontra.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
