Ia erabateko jarraipena izan dute Tubacexen deitutako lanuzteek

Aitor Aspuru Saez 2026ko otsailaren 26a
Deskargatu Info Ahotsak :

STAT, ELA eta LAB sindikatuek bi orduko lanuzteak deitu dituzte gaur Tubacex enpresan txanda bakoitzeko. Langile erakundeek balorazio oso positiboa egin dute eta aipatu dute gaueko zein goizeko txandetan behin-behineko behargin gutxi batzuk baino ez direla geratu lanean. Hitzarmen kolektibo hobea eskuratzeko lehenengo mobilizazioa da gaurkoa.

Amurrion zein Laudion lanuzteekin batera elkarretaratzeak egin dituzte fabriken sarreretan. Duela urtebete baino gehiago hasi ziren negoziazioak Tubacexeko zuzendaritzaren eta langileen ordezkarien artean, baina ez dute fruitu positiborik utzi.

Sindikatuek azpimarratu dute enpresaren eskaintza indarrean dagoena baino okerragoa dela eta jadanik erosketa ahalmena galdu zutela aurreko hitzarmenarekin.

Duela aste batzuk batzar orokorra egin eta gero, langile erakundeak batasun sindikalerako bideak jorratzen ari dira eta gaurkoa izan da lehen urratsa negoziazioa bultzatzeko. 

Ekonomia

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide