Ez da aparteko sorpresarik egon Arabako Bola-joko txapelketako hirugarren asteburuan. Beotegi eta Kexaako bolatokietan egin ziren tiraketak, eta Bea Isasik eta Joseba Mirasek jarraitzen dute sailkapeneko liderrak izaten emakumezkoen eta gizonezkoen kategorietan, hurrenez hurren.
Isasik 365 puntu ditu pilatuta. Bere atzetik doa Gurutze Badillo 337 bolorekin, eta Estrella Alonso 332rekin.
Mirasek, aldiz, 394 bolo ditu metatuta. Bigarren postuan, aldiz, Aitor Parrilla jarri da 385 bolorekin, eta Asier Martin hirugarren, bost gutxiagorekin.
Kexaako tiraketan Parrilla izan zen garailea 84 punturekin eta Beotegikoan Asier Martin 81rekin.
Hurrengo asteburuko tiraketak Tertanga eta Urduñan izango dira. Lendoñobeiti eta Artziniegaren txanda izango da gero, eta Luiaondon egingo dute finala, apirilaren 18 eta 19an.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
