Tubacex enpresako langileek bi orduko lanuztea izan dute gaur txanda bakoitzeko. Azken asteetako laugarren deialdia izan da eta sindikatu antolatzaileek balorazio positiboa egin dute. Aurreko hitzorduetan bezala, jarraipena ia erabatekoa izan da eta lanpostuak utzi dituzte behargin guztiek, behin-behineko langile batzuek eta zenbait enkargatuk kenduta.
Gaurkoa izan da pasa den astean eta honetan ELAk, STATek eta LABek deitutako hiru lanuzteen azken hitzordua. Aiaraldea Komunikabidea iturri sindikalekin jarri da harremanetan eta hauek aipatu dute hurrengo astean, martxoaren 17an, greba orokorra egongo dela, baina horren ostean eztabaidatuko dutela mobilizazioekin jarraitzea.
Protesten helburua da hitzarmen kolektiboaren negoziaketaren baldintzak aldatzea. Izan ere, multinazionaleko zuzendaritzak mahai gainean jarritako eskaintzak ez du hobetzen egun dutena, langile erakundeen aburuz.
Argazkiak: Tubacexeko langileak
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
