Hiru lanuzte egun gehiago deitu dituzte Tubacexeko langileek, gaur hasita

Aitor Aspuru Saez 2026ko martxoaren 24a
Deskargatu Info Ahotsak :

Hiru lanuzte egun gehiago de 1 1774349985524
Hiru lanuzte egun gehiago de 2 1774349988445

Tubacex enpresako hiru sindikatuk (ELAk, STATek eta LABek) deitu dituzte bi orduko lanuzte egun gehiago hitzarmen duina aldarrikatzeko. Gaur abiatu dituzte protestak eta martxoaren 26an eta 31n ere egingo dituzte. Jarraipena ia erabatekoa izan da Amurrion zein Laudion, deitzaileen hitzetan. 

Tubacex enpresako gehiengo sindikalak (ELAk, STATek eta LABek, alegia) bi orduko hiru lanuzte gehiago deitu ditu, aurrekoen arrakasta ikusita.

Mobilizazio ziklo honekin (aurretik beste lau lanuzte egin dituzte) enpresari exijitu nahi diote proposamen duina eramatea lan hitzarmen kolektiboaren negoziazio mahaira. 

Gaurko deialdiak lantegiak erabat gelditu duela aldarrikatu dute langile erakundeek. Hitzarmenaren proposamen berria ez ezik, sindikatuek aldarrikatu dute aparteko lan orduak ez egitea, derrigorrezko txanda aldaketarik ez egotea eta banakako mesedeak ere ez sustatzea enpresan.

Argazkiak: Tubacexeko langileak

Ekonomia Araba

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide