Arazoekin esnatu da gaur goizean Renfeko tren zerbitzua. Goizeko zazpiak baino lehen eten egin da Ugao eta Bidebieta arteko tartea, "azpiegituran izandako arazo baten ondorioz".
Egoera 10:00ak arte luzatu da eta trenak funtzionamenduan daude berriro. Dena den, zerbitzua ez da guztiz normala eta bost eta hamabost minutu atzerapenak daude. Izan ere, merkantziak garraiatzen dituzten unitateek lehentasuna daukate eta Basaurin -non obrak dauden eta burdinbide bakarra dagoen erabilgarri- Aldiriko trenak geldirik geratzen ari dira.
Autobusez
Goizeko lehen orduan, aldiz, autobus bidez bideratu dute Ugao eta Basauri arteko bidaia. Hala ere, motel joan da eta jende enbutua sortu da, erabiltzaileek Aiaraldea Komunikabideari jakinarazi diotenez.
Edonola ere, bidaiariek eurek adierazi dute autobusa Bidebietaraino baino ez dela heldu eta bestelako garraio publikoak baliatu behar izan dituztela Abandora heltzeko.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
